الأحد، 30 نوفمبر، 2008

وحشتنا يا طويل يا اهبل

ما كنتش متخيل ان حتيجيي ساعة و اقولها - كان يتقطع لسانك و تتشل فى بتاعك لو فكرت انى اقولها

بس بجد و حشتنى يا اهبل يا ابن الاهبل

ترجع بالسلامة

رضوان

الثلاثاء، 30 سبتمبر، 2008

كل عيد وانتوا بخير يا غجر

ميه مسا على الناس المدعمسة

كل سنة وانتوا غجر يا غجر و ان شاء الله السنة الجاية نتنيل اكتر ما حنا متنيل مع بعض - محدش يفهم غلط يا اندال انا مش قصدى حاجة وحشة عشان انا عارف امخاخ --------------------------اللى مش نضيفة

كل سنة وانتوا طيبين يا اندال و بعودة الايام على راي الواد عياد

رضوان

الأربعاء، 11 يونيو، 2008

والله واحشني جدا



يااااااااااه مش عارف اقولكم انتو واحشني قد ايه

الوحيد اللي بشوفه بإستمرار محمد ماهر أخويا يعني ولو مش أخويا مكنت حشوفه
واحشني بتاع الرمل والزلط " صفوان باشا الجعر "
واحشني المشحم المزيت " احمد رضوان بتاع انتاج الحيوان "
وطبعا الفيل الصغنن صلصتي " محمد صالح بتاع الكيمياء المتركب"
واوف كوووورس الشاب العربجي بتاع المجانين في نعيم " احمد سحس باشا"

امتي بقي نلاقيلنا مصيبة تلمنا


والله انا طالع عين أمي بس لما بفتكر لمتنا بنسي الهم
جتكو الهم

يلا بقي نظبط ونتقابل محسسيني ان كل واحد فينا في قطر عربي مختلف


الثلاثاء، 20 مايو، 2008

الجيش يا بووووووووووووووووووي


الف الف مبروك يا دفعة و عقبال ما تجيي اجازة من اول 45 يوم
ونشمت فى اللى جابوك و تحلق اقرع و تودع ايام الهلس .....
مبروك يا واد و عقبال ما تبارك لنا عشان كدة برضة
مش عارف حاسس انك حتشمط فى دهشور زي الواد اتش
ممكن حلايب و يحلبوك بقى هناك

سلام

الثلاثاء، 11 ديسمبر، 2007

eh ya ro7 omk

matlm nfsk
shoft nastny aslm el awel 3la el ragal
la mo25za bs el ..... dah narfzny
lm nfsk ma7na kman msh fadyeen
w b3deen ya 3ny enta fadelna
mat5lena sakteen a7san

الجمعة، 7 ديسمبر، 2007

معلش اول بوست

عذرا للتاخير
اول بوست بعد افتاح البلوج بشهرين عادي دة الطبيعى
مش انتوا منتيلين عارفين مواعيدي
استحملوا بقى

عموما انا قضيت معاكوا -ايوة -اسود ايام حياتى يا كلاب يا رعاع وباذن الله لما اوصل -لو وصلت -فين مش عارف حرميكم كلكم فى اي حتة تانية عشان انتوا بتفكرونى بماضي مش عايز افتكره!!!
جامد السطر دة -كررررررررررررررررررررر-صوت سحبة من الجوزة-بففففففففففففففففففف-صوت تتطليع النفس اللى اتاخد من الجوزة
بس بجد
انتوا انيل ناس عرفتها و مش عايز اعرف غيرها فى حياتى
اية يا شلة صيع يا اندال ولا تيلفون تسالوا علييا من بعد ما بقيتوا افنديات -يا عالم واطية
عموما انا مش عارف اخد راحتى فى الشيتمة على النت -اكيد لما اشوفكوا عرف اشتم براحتى

بس بجد فكرة البلوج جامدة وحتقربنا من بعض اكتر مع ااننا مش ناقصين نقرب من بعض اكتر

يلا اسيبكوا واقوم اذاكر رقصات-سورى اهتزازات

ابقوا اتصلوا يا غجر
المعلم رضوان

السبت، 17 نوفمبر، 2007

اصعب سؤال فى الحب (ايميل وصلني ومش عارف من مين)

اصعب سؤال فى الحب


السؤال ده بيحصل كل يوم فى كل بيت وكل مكان...


سؤال الافلام جاوبت عليه بطريقتها...


لكن لو جالك السؤال ده فى الواقع...يا ترى هتعمل ايه.


لو لقيت الانسان اللى بتحلم بيه وتتمناه من وانت صغير


الانسان اللى يحرك احاسيسك * ومشاعرك * وكل شى جميل جواك


الانسان اللى تشوف فيه طفولتك وشبابك ومستقبلك وكل ايامك


الانسان اللى يحبك انت بس ويحترمك ويقدر مشاعرك وكل زرة حب جواك ويكون الانسان ده كمان هو فى نفس


الوقت..انت بالنسبة له كل حاجة..وانك الانسان اللى حلم بيه واتمناه من طفولته وقال ليك من قلبه ومن صدق...انا


بحبك...بحبك انت بس ومش عايز من الدنيا اى حاجة الا انت بس .. انت دنيتى اللى هعيش فيها..وليها..حبيبى انا


ليك... ومش عايز اكتر من انك تقولى من قلبك انك ليا واتعاهدتم طبعا على الحب فى الحياة وما بعد الحياة...وان


مش هيفرقكم شى فى يوم الا الموت وبعد كده جه الانسان ده عشان يتقدم ليكى او تتقدم ليها عشان تكتمل الفرحة ..


والحياة اللى مش هتبقى حياة الا وانتم الاتنين مع بعض ولانه ما يقدرش يعيش لحظة واحدة وانت مش معاه ....


لكن ..... الاهل رفضو الموضوع لاسباب تافهة...مثلا (الانسان احنا مش شايفينه لايق ليكى او مستواها الاجتماعى


مش مناسب ... دة مش من مستوانا ... بكرة يجيلك احسن منه ... دة قدامه كتير عشان يوصل للمستوى اللى نتمناه


فى عريسك احنا غرضنا مصلحتك ... طيب زيادة عن اللزوم )


وطبعا الانسان دة جه على كرامته فى حجات كتير عشان خاطرك


لكن للاسف...كل محاولاته فشلت...الاهل مصممين على رايهم..اعتقادا منهم انه فى مصلحة ابنهم او بنتهم ؟

لغاية ما قال ليك فى يوم...حبيبى...انا اتمنيتك انتى من الدنيا كلها...وضحيت بحجات كتيرة وده لانى حبيتك انت بس


ومن قلبى .....واختارتك انت عن الدنيا كلها . . . . . .


ودلوقتى جه وقت اختيارك...اما انا......او اهلك!!!

مش هقول ايه هو الرد الصحيح بس هقول ايه هى الاجابة المنطقية يا ترى

يا ترى اى بنت فى الموقف دى هتقول ايه؟؟؟

ويا ترى راى الشباب فى الموقف ده ايه ؟؟؟